كيف تصمم موقع على Canva

في وقتنا الحالي صار تصميم المواقع ولا أسهل منه، في هذي البوست راح اشرح لك كيف تصمم موقع على Canva، بسهولة وسرعة دون برمجه وقلق لأكواد وأمور التقنية المعقدة.

كلنا نعرف أن الشركات صارت تتوجه بشكل كبير إلى الذكاء الاصطناعي والتقنية السهلة البسيطة في عصر السرعة، حتى صار الموضوع يتعلق في برامج التصميم والمونتاج اللي كنا نأخذ وقت كبير فيها علشان نصمم بس بوست ننشره على تويتر أو إنستقرام، حتى صار اللي ما يعرف يصمم يعرف يصمم أي شيء خلال 10 دقائق.

Canva كلنا نعرف أنه تطبيق وموقع خاصة لتصميم متنوع وسهل الاستخدام، لكن الشيء الجديد أنه أتاح لنا بشكل رسمي تصميم موقع ويب كامل من خلاله، وهذا شيء ممتاز يساعد المصممين أو الأشخاص من إنشاء وتصميم موقع ويب بسهولة ونشره بسرعة على قوقل.

كيف تصمم موقع على Canva وبدومينك الخاص Canva بعد يخيرك بين أنك تستخدم دومين مجاني من خلالهم أو أنك تربط الدومين الخاص فيك على موقعك اللي صممته من خلالهم وهذا يعطيك تميز واحترافية بشغلك، لكن اللي يعيب الخدمة أنها تعرض إعلان صغير أسفل الموقع يقول إنه تم تصميم هذا الموقع من خلال Canva وهذا الشيء أزعجني الصراحة، دام أنا دافع لك اشتراك ليش تعرض إعلان؟؟